ბათუმში ახალგაზრდამ ოჯახური კონფლიქტის ნიადაგზე დედა დაჭრა

0
454
 
შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-საგამოძიებო მოქმედებების შედეგად, დააკავეს 1996 წელს დაბადებული, წარსულში ნასამართლევი კ.კ , რომელმაც დედას მრავლობითი ჭრილობა მიაყენა.
 
ინფორმაციას ამის შესახებ  შს სამინისტრო ავრცელებს.
 
„გამოძიებამ დაადგინა, რომ დაკავებულმა მიმდინარე წლის 29 სექტემბერს ბათუმში, წერეთლის ქუჩაზე, საცხოვრებელ სახლში ცივი იარაღით ჭრილობები მიაყენა დედას, 1963 წელს დაბადებულ მ.კ.-ს და შემთხვევის ადგილიდან მიიმალა. სასწრაფო სამედიცინო დახმარების ბრიგადის თანამშრომლებმა დაჭრილი მ.კ. საავადმყოფოში გადაიყვანეს. სამართალდამცველებმა ბრალდებული მომხდარიდან რამდენიმე წუთში დააკავეს. პოლიციამ დანაშაულის ჩადენის იარაღი ნივთმტკიცებად ამოიღო.
 
გამოძიება ოჯახური ძალადობის ნიადაგზე ჩადენილი ჯანმრთელობის განზრახ მძიმე დაზიანების ფაქტზე, საქართველოს სსკ-ს 11 პრიმა 117-ე მუხლის 1-ლი ნაწილით მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს“, – ნათქვამია შს სამინისტროს განცხადებაში.
წინა სტატიაინდონეზიაში მომხდარ მიწისძვრასა და ცუნამის დიდი ნგრევა და მსხვერპლი მოყვა
შემდეგი სტატიაოკუპირებული სოხუმიდან გვირჩევენ, არ დავირწმუნოთ თავი სიცრუეში, თითქოს აფხაზეთს და საქართველოს საერთო მომავალი აქვს
ტელეკომპანია ოდიშის საინფორმაციო სამსახური