საქართველოს პრეზიდენტმა გიორგი მარგველაშვილმა ნიუ-იორკში ნიზამი განჯელის საერთაშორისო ცენტრის მიერ ორგანიზებული ფორუმი გახსნა.
ცერემონიაზე სიტყვით გამოსვლისას მან ტრანს-ატლანტიკურ ურთიერთობებში უსაფრთხოების გამოწვევებსა და საქართველოს როლზე ისაუბრა.
პრეზიდენტმა სოხუმში 25 წლის წინ განვითარებული მოვლენებიც გაიხსენა .
„დღევანდელი დღე განსაკუთრებულია ჩემთვის, როგორც საქართველოს პრეზიდენტისთვის, რადგან 25 წლის წინ, ჩემი წინამორბედი პრეზიდენტი, ედუარდ შევარდნაძე იდგა სოხუმში, რომელსაც რუსეთის არტილერია ბომბავდა. ის მიმართავდა საერთაშორისო გაერთიანებას დახმარებისთვის. 2008 წელს კი მიხეილ სააკაშვილი მიმართავდა დასავლეთს მხარდაჭერისთვის, რადგან ამჯერად, არტილერიის გარდა, რუსეთი ავიაციითაც ბომბავდა საქართველოს ტერიტორიებს. ამ ომიდან 10 წელი გავიდა. ძალიან მნიშვნელოვანია ყველა მოვლენას ისტორიაში თავისი სახელი დაერქვას. კარგია, როდესაც ერთიანი ვართ ტერმინებში და აგრესორს აგრესორს ვუწოდებთ,“ – განაცხადა გიორგი მარგველაშვილმა.