ბათუმში ავტოსაგზაო შემთხვევას 2 წლის ბავშვი ემსხვერპლა, ხოლო 3 ბავშვი დაშავდა. დაშავებულები ბიჭები არიან – „სამი ბავშვია, ბიჭები, ერთი ხუთი წლისაა, ორი – ოთხის, ტყუპები არიან. ერთი რეანიმაციაშია მოთავსებული, ორი კი – ქირურგიულ დეპარტამენტში. სამივეს აღენიშნება ტვინის შერყევა და სხვა დაზიანებები. ბავშვების მდგომარეობა სტაბილურია,“აცხადებენ დღეს ბათუმის დედათა და ბავშვთა ჯანმრთელობის დაცვის ცენტრის პრესსამსახურში.
ავტოავარია ბაგრატიონის ქუჩაზე, გუშინ, გვიან ღამით მოხდა. მსუბუქი ავტომობილი გაჩერებულ ტრაილერს დაეჯახა. ავტომობილში დაღუპული ბავშვის გარდა იმყოფებოდნენ: მძღოლი, ბავშვის დედა და სამი ბავშვი, ყველანი სხვადასხვა ხასიატის ტრავმებით საავადმყოფოში არიან გადაყვანილი.
შს სამინისტროს ინფორმაციით, ფაქტზე დაწყებულია გამოძიება სისხლის სამართლის კოდექსის 276-ე მუხლის მეხუთე ნაწილით, რაც გაუთვალისწინებელი ქმედებით სიცოცხლის მოსპობას გულისხმობს, ისჯება თავისუფლების აღკვეთით ვადით ოთხიდან შვიდ წლამდე..