ევროსაბჭოს მინისტრთა კომიტეტი ვანო მერაბიშვილის საქმის განხილვას დეკემბერში გეგმავს

0
511
ევროპის საბჭოს მინისტრთა კომიტეტი ვანო მერაბიშვილის საქმის განხილვას დეკემბერში გეგმავს.მას შემდეგ რაც სტრასბურგის სასამართლომ მერაბიშვილის საქმეში ევროკონვენციის 18-ე მუხლის დარღვევა დაადგინა, ახლა კომიტეტმა უნდა იმსჯელოს იმის შესახებ, მოჰყვა თუ არა რაიმე სახის რეაგირება მათ გადაწყვეტილებას, საქართველოს ხელისუფლების მხრიდან.
 
„საქართველოს ხელისუფლებამ დღემდე არაფერი არ გააკეთა. არ გაკეთებაში ვგულისხმობ იმას, რომ მას უნდ აღმოეფხვრა ეს ხარვეზი. ხარვეზის აღმოფხვრა იქნებოდა ერთადერთი სწორი ნაბიჯი, რომ გამოეშვა ივანე მერაბიშვილი. მოლოდინი სწორედ ასეთი გვაქვს. კარგი იქნება თუ ჩვენი ხელისუფლება გონს მოეგება და რაც შეიძლება ჩქარა და გააკეთებს ამას ისე, რომ არ დაელოდება მინისტერიალს და კიდევ ერთხელ არ ათქმევინებს მთელს მსოფლიოს, რომ საქართველოში ჰყავთ ვანო მერაბიშვილის სახით პოლიტიკური პატიმარი,“-განაცხადა ივანე მერაბიშვილის ადვოკატმა გიორგი ჩივიაშვილმა.
 
საქართველოს ხელისუფლებას მინისტრთა კომიტეტის გადაწყვეტილებამდე ივანე მერაბიშვილის გათავისუფლებას ურჩევს, „ევროპული საქართველოს“ წევრი ოთარ კახიძეც.
წინა სტატია25 წელი სოხუმის დაცემიდან
შემდეგი სტატიაშვილმოკლული მამების აქციაზე ორი პირი დააკავეს
ტელეკომპანია ოდიშის საინფორმაციო სამსახური