არჩევნებამდე ერთი თვით ადრე, გრიგოლ ვაშაძე ლიდერობს – Edison Research-მა კვლევა გამოაქვეყნა

0
458
კითხვაზე, "დღეს რომ არჩევნები ტარდებოდეს, ვის მისცემდით ხმას," შედეგები ასე გადანაწილდა: გრიგოლ ვაშაძე – 22%, დავით ბაქრაძე – 18%, სალომე ზურაბიშვილი – 15%, შალვა ნათელაშვილი – 8%, დავით უსუფაშვილი – 3%, ზურაბ ჯაფარიძე 2%, სხვა კანდიდატი – 7%, არ ვიცი/არ უპასუხა – 25%.
 
ხელისუფლების ფავორიტი კანდიდატი, სალომე ზურაბიშვილი კვლევის მხოლოდ ერთ შეკითხვაში ლიდერობს, იქ, სადაც გამოკითხვა ამომრჩევლის ნეგატიურ განწყობას გამოხატავს.
 
შეკითხვაზე, "რომელ კანდიდატს არ მისცემდით ხმას არც ერთ შემთხვევაში," პირველ ადგილს 41 პროცენტით სალომე ზურაბიშვილი იკავებს:
 
შედეგები დეტალურად ასე გადანაწილდა: სალომე ზურაბიშვილი – 41%, ზურაბ ჯაფარიძე – 29%, შალვა ნათელაშვილი – 16%, გრიგოლ ვაშაძე – 13%, დავით ბაქრაძე – 11 %, დავით უსუფაშვილი – 11%. 
 
Edison Research-ის მიერ გამოკითხულთა 44 პროცენტი მიიჩნევს, რომ საპრეზიდენტო არჩევნებზე მეორე ტური გარდაუვალი იქნება.
 
„რუსთავი 2"-ის დაკვეთით ჩატარებული კვლევა სხვა საკითხებსაც დაეთმო. გამოკითხულთა 79% მიიჩნევს, რომ ქვეყანა არასწორი მიმართულებით ვითარდება. კვლევის ფარგლებში მოსახლეობამ 2008 წლის რუსეთ-საქართველოს ომთან დაკავშირებით სალომე ზურაბიშვილის განცხადებაც შეაფასა.  
 
საერთაშორისო ორგანიზაციის ვლევის შედეგების მიხედვით, გამოკითხული მოსახლეობის 43% „რუსთავი 2-ის“ პოლიტიკური და საინფორმაციო გადაცემებიდან იღებს ინფორმაციას.
 
Edison Research-მა „რუსთავი 2"-ის დაკვეთით მთელი საქართველოს მასშტაბით 3000 ადამიანის გამოკითხა. მონაცემებში ცდომილება 2%-ია.
წინა სტატიახალხმა უნდა იცოდეს, რომ რეალურად ვაშაძე იგებს ამ არჩევნებს- სააკაშვილი [Video]
შემდეგი სტატიაადმინისტრაციული რესურსის შესაძლო გამოყენება – ზურაბიშვილის ფოტოების მერიისა და პარლამენტის ოფიციალურ გვერდზე გამოქვეყნების გამო “საია” ცესკოს მიმართავს
ტელეკომპანია ოდიშის საინფორმაციო სამსახური