სპეცოპერაცია ჯანდაცვის სამინისტროში – დღეს დილით სააფთიაქო ნარკომანიის ლობირების ბრალდებით ჯანდაცვის სამინისტროს მაღალჩინოსნები დააკავეს.
დაკავებულთა შორისაა სახელმწიფო რეგულირების სააგენტოს უფროსი გია თვალავაძე, რომელიც სხვების მსგავასად ხელბორკილებით გაიყვანეს თავისი სამუშაო კაბინეტიდან.
გია თვალავაძესთან ერთად , ბრალდებულის სახით დაკავებულები არიან უკანონო სამეწარმეო საქმიანობაში ჩართული საქართველოს მოქალაქეები: ნინო კ, ქეთევან ჩ, ლაშა ჩ, ნინო გ. და ნათელა მ.
ვრცელდება ინფორმაცია, რომ ჩხრეკის შედეგად უსაფრთხოების სამსახურმა ათობით კილოგრამი აკრძალული ფსიქოტროპული აბები ამოიღო.. სპეცოპერაცია სახელმწიფო უსაფრთხოების სამსახურის ანტიკორუფციულმა სააგენტომ ჩაატარა
პარლამენტის ფრაქცია ”ქართული ოცნებაში'' გამოთქვამენ სინანულს იმის გამო, რომ ნარკოტიკებთან ბრძოლაზე პასუხისმგებელი პირები თავად გახდნენ ეჭვმიტანილები და აცხადებენ, რომ მომხდარს მკაცრი რეაგირება უნდა მოჰყვეს და დაისაჯონ არა მხოლოდ სააფთიაქო ნარკოტიკების ლობირებაში ეჭვმიტანილი პირები, არამედ ყველა, ვინც ნებისმიერი სახის ნარკოტიკის გავრცელებას შეუწყობს ხელს.
სსიპ სამედიცინო საქმიანობის სახელმწიფო რეგულირების სააგენტოს გია თვალავაძე 2012 წლის იანვრიდან ხელმძღვანელობს.