საქართველოს მე-3 პრეზიდენტის მეუღლე, სანდრა ელისაბედ რულოვსი და პრიმა ბალერინა ნინო ანანიაშვილი ბათუმში მცხოვრებ ქალებს შეხვდნენ.
შეხვედრა მოეწყო გაერთიანებული ოპოზიციის საპრეზიდენტო კანდიდატის, გრიგოლ ვაშაძის, საარჩევნო კამპანიის ფარგლებში,
შეხვედრის მთავარ თემებს წარმოადგენდა მარიხუანის კულტივაციის რისკები და საფრთხეები მომავალი თაობებისთვის, ქალების როლის ზრდა პოლიტიკურ და საზოგადოებრივ ცხოვრებაში, ქალთა უფლებების დაცვა და ძალადობის წინააღმდეგ ბრძოლა.
ნინო ანანიაშვილის განცხადებით, აუცილებელია აქტიური კამპანია კანაფის წარმოების წინააღმდეგ, აგრეთვე ქვეყნის მართვაში ქალების მონაწილეობის და ჩართულობის გაფართოება. მისი თქმით, სოციალური დახმარების პროგრამების განხორციელება კი ერთ-ერთი მთავარი მიმართულება გახდება.
ნინო ანანიაშვილი პირადად აპირებს, უფრო აქტიურად ჩაერთოს საქველმოქმედო პროექტებში.
„დედებს ყველას ადარდებთ ის პრობლემა, რაც დღეს გააჩნია საქართველოს. არაფერს ახალს არ ვიტყვი, ეს არის ჩვენი შვილების მომავალი, შვილების დღევანდელი განათლების ამბავი, ეს არის ჩვენი შვილების ჯანმრთელობის საკითხი. უბრალოდ ის თემა, რაც ახლა არის ძალიან მოდაში, მარიხუანას გავრცელებასთან დაკავშირებით ყველას ადარდებს ეს. ის კი არა, თვითონ ახალგაზრდებიც ერთი და იგივე აზრზე არიან, რომ არ შეიძლება, ეს მოხდეს და მეც მათ აზრს ვეთანხმები,“ – განაცხადა ნინო ანანიაშვილმა