გაერთიანებული ოპოზიცია პარლამენტის ქუთაისში დარჩენის მოთხოვნით აქციებს აანონსებს.

0
379

გაერთიანებული ოპოზიციის “ძალა ერთობაშია” პრეზიდენტობის კანდიდატმა გრიგილ ვაშაძემ ქუთაისში პარლამენტის შენობის წინ მხარდამჭერებთან ერთად ბრიფინგი გამართა. მათ რეგლამენტში შესული ცვლილება და პარლამენტის ადგილმდებარეობად თბილისის მითითება გააპროტესტეს. “დღეს, გაერთიანებულ ოპოზიციას აქვს პატივი იდგეს ამ შენობის წინ, რომელიც თანამედროვე ქართული სახელმწიფოს სიმბოლო გახდა და ეს შენობა გახდება „ქართული ოცნების” კიდევ ერთი სიცრუის და ქუთაისელებისადმი ზიზღის სიმბოლო. პარლამენტის ადგილი არის ქუთაისი. ახლა რეგლამენტში შეაქვთ ცვლილება და სურთ გადაიტანონ პარლამენტი, რაც თბილისში საცობების და ხალხის გაღიზიანების მეტს არაფერს გამოიწვევს. ცდილობენ, ქუთაისს წაართვან სოციალური სტატუსი და როლი, რომელიც მას ისტორიულად ეკუთვნის. არავითარ შემთხვევაში ამას არ დავუშვებთ. გგონიათ რეგლამენტში ცვლილების შეტანით გადაიტანთ? ვერ გადაიტანთ, იმიტომ რომ თქვენ ძალიან მალე ხელისუფლებაში აღარ იქნებით. ამის გარანტი ქუთაისელები არიან. თქვენ ისტორიულ დედაქალაქს ექცევით ისე, როგორც პროვინციულ პატარა ქალაქს”, -განაცხადა გრიგოლ ვაშაძემ. გაერთიანებული ოპოზიცია პარლამენტის ქუთაისში დარჩენის მოთხოვნით აქციებს აანონსებს.

წინა სტატიარა ხდებოდა დღეს ზუგდიდში სალომე ზურაბიშვილთან შეხვედრაზე [Video]
შემდეგი სტატიასაპრეზიდენტო არჩევნებში 25 კანდიდატიდან 19 წარდგენილია პოლიტიკური პარტიის, ხოლო 6 – საინიციატივო ჯგუფის მიერ
ტელეკომპანია ოდიშის საინფორმაციო სამსახური