რეჟისორ გიორგი შენგელაიას ცენტრალურმა საარჩევნო კომისიამ საპრეზიდენტო კანდიდატად დარეგისტრირებაზე უარი უთხრა.

მიზეზი ცენტრალურ საარჩევნო კომისიაში მხარდამჭერთა სიის არ წარმოდგენა გახდა, რომლის ბოლო ვადაც მიმდინარე წლის 18 სექტემბერს ამოიწურა. როგორც გიორგი შენგელაია საპრეზიდენტო კანდიდატად წარმდგენი , საინიციატივო ჯგუფის წევრი  პეტრე მამრაძე აცხადებს,  მას ხელმოწერები არ შეუგროვებია.

მისივე თქმით, 29 აგვისტოს შემდეგ, როდესაც ცესკოში საპრეზიდენტო კანდიდატის წარდგენის თაობაზე განცხადება შეიტანეს, გიორგი შენგელაია აღარ უნახავს

 შეგახსენებთ, რომ რეჟისორმა გიორგი შენგელაიამ ცესკოს საპრეზიდენტო არჩევნებზე საკუთარი კანდიდატურის წარსადგენად განცხადებით 29 აგვისტოს მიმართა.

საპრეზიდენტო კანდიდატად დასარეგისტრირებლად კი 2018 წლის 18 სექტემბრამდე არანაკლებ 25 000 მხადამჭერის ხელმოწერა უნდა წარედგინა.

ცესკოს ინფორმაციით, მხარდამჭერთა სია გიორგი შენგელაიას გარდა ვერ წარადგინა ბევრმა სხვამაც , შესაბამისად საპრეზიდენტო კანდიდატად რეგისტრაციაზე უარი ეთქვა კიდევ 18 პირს   – გია ჩხიკვაძეს, კობა ჯულაყიძეს, გიორგი გახოკიას, ნიკოლოზ ლეკიშვილს, დავით ამაშუკელს, თამაზ ბიბილურს, ბონდო ბარათაშვილს, ელისო დონაძეს, ვაჟა ჩხაიძეს, ზაქარია როჭიკაშვილს, ზაურ მეკოკიშვილს, გიორგი შენგელაიას, ბესიკ აფხაიძეს, ავთანდილ ფილაურს, იოსებ ბიბილეიშვილს, იაკობ გრიგორიევს, ნინო ჯიქიას, დენიზა სუმბაძეს, მაია ნინუას და ივანე ნუგზარაშვილს.