მთავარისიახლეებისაზოგადოებააზიური ფაროსანას პოპულაცია შარშანდელთან შედარებით შემცირებულია - აბაშაში მავნებელთან ბრძოლის...

აზიური ფაროსანას პოპულაცია შარშანდელთან შედარებით შემცირებულია – აბაშაში მავნებელთან ბრძოლის შედეგები და სამომავლო ღონისძიებები განიხილეს

Published on

 აბაშაში სამეგრელო-ზემო სვანეთის, გურიისა და   იმერეთის გუბერნატორები ჩავიდნენ. ისინი ეწვივნენ აზიურ ფაროსანასთან  ბრძოლის საკოორდინაციო შტაბს  და განიხილეს მავნებელთან  ბრძოლის ღონისძიებების შედეგები და სამომავლო გეგმები. – ინფორმაციას ამის შესახებ სურსათის ეროვნული სააგენტო ავრცელებს.
 
შეხვედრა  სურსათის ეროვნული სააგენტოსა და შტაბის წარმომადგენლებთან ერთად დაესწრო პენსილვანიის უნივერსიტეტის პროფესორი გრეგ კრავჩუკიც, რომელიც  დასავლეთ საქართველოში არსებულ ვითარებას ეცნობა. ამერიკელი მეცნიერის შეფასებით, მდგომარეობა და მოსახლეობის მიდგომა გასულ წელთან შედარებით მნიშვნელოვნად არის შეცვლილი.
 
„რეგიონებში აქტიურად მიმდინარეობს მონიტორინგი, „მოიზიდე და გაანადგურე“ სადგურების დამონტაჟება და მავნებლის საწინააღმდეგო შეწამვლითი სამუშაოები. მოსახლეობა მუდმივად იღებს ინფორმაციას მექანიკური მეთოდების შესახებ.- ითქვა შეხვედრაზე
 
 ასევე  აღინიშნა, რომ შარშანდელთან შედარებით მავნებლის პოპულაცია შემცირებულია და მნიშვნელოვანია ცალკეული მუნიციპალიტეტების წარმატებული მაგალითების გაზიარება.
 
აბაშის მუნიციპალიტეტში, ე.წ. ანჯელის მასივში ჩატარებული ღონისძიებების შედეგად მოხერხდა სიმინდის მოსავლის შენარჩუნება და ეკონომიკური ზარალის თავიდან აცილება. შეხვედრაზე განიხილეს ასევე თხილის ლაბორატორიული კვლევის შედეგები, რის საფუძველზეც დადგინდა, რომ მოსავლის დაზიანება ძირითადად სოკოვანი დაავადებებით არის განპირობებული.
 
აზიურ ფაროსანასთან ბრძოლის მიზნით, სახელმწიფოს მიერ ცივი შესხურებით და თერმული ნისლის ტექნოლოგიით 611 ათასამდე ჰექტარია დამუშავებული. მათ შორის: სამეგრელო-ზემო სვანეთში -255 005 ჰექტარი, იმერეთის რეგიონში – 197 655 ჰექტარი, გურიის რეგიონში-135 160 ჰექტარი, აჭარის ავტონომიურ რესპუბლიკაში – 21 234 ჰექტარი“, – ნათქვამია სურსათის ეროვნული სააგენტოს ინფორმაციაში.
 

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...