თბილისში, ხორავას ქუჩაზე მოკლული ერთ-ერთი არასრულწლოვანის, დავით სარალიძის მამა ზაზა სარალიძე საპატრიარქოში მივიდა, სადაც ის კათოლიკოს-პატრიარქს, ილია მეორეს შეხვდა. შეხვედრის შემდეგ სარალიძემ განაცახდა, რომ ილია მეორემ მას შიმშილობის შეწყვეტისკენ მოუწოდა, მისივე თქმით, ის შიმშილობას წყვეტს, თუმცა საპროტესტო აქციებს გააგრძელებს.

6 სექტემბერს ზაზა სარალიძემ განაცხადა, რომ საგამოძიებო კომისიის მუშაობით უკმაყოფილოა და აქციები დააანონსა.

2017 წლის 1 დეკემბერს თბილისის ცენტრში, ვერაზე ორი არასრულწლოვანი დავით სარალიძე და ლევან დადუნაშვილი დაჭრეს. ერთი მოზარდი საავადმყოფოში მიყვანამდე გარდაიცვალა. მეორე – მრავლობითი დაზიანებებით საავადმყოფოში მოთავსებიდან მეორე დღეს, 2 დეკემბერს გარდაიცვალა.