გუშინ მედიაში გავრცლდა აუდიტის სამსახური სკანდალური დასკვნა საგარეო საქმეთა სამინისტროში არსებული შესაძლო კორუფციულ გარიგების შესახებ. დასკვნაში საუბარია იმაზე, რომ უწყებამ საპოპექტო ი სამუშაოების შესასრულებლად 700 ათასი ლარი გადაურიცხა საგარეო საქმეთა მინისტრის მოადგილის, ვატო მახარობლიშვილის, ძმის კომპანიას ლენდ მარკ პროჯექტს
აუდიტის სამსახურმა გაარკვია, რომ კომპანია თანხის ჩარიცხვამდე ერთი დღით ადრე დარეგისტრირდა და ამასთან, დაკისრებული მოვალეობა ხარისხიანად არ შეასრულა.
თავად ვატო მახარობლიშვილი, ამტკიცებს, რომ სამინისტროსა და მისი ძმის კომპანიას შორის გაფორმებული ხელშეკრულების შესახებ არაფერი იცოდა.
უდიტის სამსახური დასკვნაში დიპლომატიურ დაწესებულებებში წარმომადგენლობითი ხარჯების არასწორ ხარჯვაზეც მიუთითებს. მაკონტროლებელი ორგანოს დასკვნაში წერია, რომ საელჩოების ჩატარებული ღონისძიებების შინაარსი, ინფორმაცია დამსწრე პირებზე და გაწეული ხარჯების დოკუმენტაცია ხშირად შეუსაბამო იყო, რაც ბიუჯეტიდან თანხების არაეკონომიურად ხარჯვის რისკს აჩენს.
აუდიტის სამსახურში ამბობენ, რომ საგარეო საქმეთა სამინისტროს მათი დასკვნის პირველადი ვერსია უკვე დავით ზალკალიანის მინისტრობის პერიოდში გადაეგზავნა. ხმაურიან დასკვნაზე დიპლომატიურ უწყებას შენიშვნები მაკონტროლებელ ორგანოსთან არ ჰქონია. ამიტომ კომპანია ლენდ მარკ პროჯექტსის ისტორიის პირველადი ვერსია საბოლოო დოკუმენტშიც დარჩა და პროკურატურაშიც გადაიგზავნა.
უცნობია, რა გეგმა აქვს პროკურატურას და დადგება თუ არა ყოფილი და მოქმედი მაღალჩინოსნების სისხლის სამართლებრივი პასუხისმგებლობის საკითხი. მთავარი პროკურორი ამ კითხვას არ პასუხობს.