"სასულიერო პირები და მორწმუნე ერი ცალსახად და კატეგორიულად ეწინააღმდეგებიან ნებისმიერი სახის მარიხუანას ნებისმიერი მიზნით მოყვანისა და რეალიზაციის ლეგალიზებას. ეს არის ეკლესიის საერთო განწყობა და უცვლელი დამოკიდებულება," – ამ თემაზე მორიგ განცხადებას აკეთებს საპატრიარქო. მასში ნათქვამია, რომ
"კანაფის კულტივირების კანონპროექტთან დაკავშირებით სოციალურ ქსელსა და მასმედიაში პერიოდულად ვრცელდება ინფორმაცია, თითქოს ნაწილი მოძღვრებისა არ არის მკვეთრად უარყოფითი დამოკიდებულების, რომ ეკლესიამ პოზიციები დათმო და რეალურად დაპირისპირებულნი მხოლოდ ცალკეული სასულიერო პირები არიან, რაც სინამდვილეს საერთოდ არ შეესაბამება."
პარალელურად, მოქმედი ხელისუფლების წინააღმდეგ საკმაოდ კრიტიკულ შეფასებას აკეთებს წმინდა ამბროსის მამათა მონასტრის წინამძღვარი.