პრემიერმინისტრი საარჩევნო სკანდალში ეხვევა – ცესკომ პარტია ,,სახელმწიფო ხალხისთვის'' პრეზიდენტობის კანდიდატის, რეჟისორ და მწერალ მიხეილ ანთაძის, მხარდამჭერთა სიაში მისი ხელმოწერა აღმოაჩინა.
ნიკა მაჭუტაძე აცხადებს, რომ მას პროვოკაცია მოუწყვეს და წარდგენილ სიებში პრემიერის გვარი განზრახ ჩაწერეს.
აქ მხოლოდ ორი დასკვნა სეიძლება არსებობდეს – მთავრობის მეთაურის ხელმოწერა გაყალბებულია ან მამუკა ბახტაძე ქართული ოცნების კონკურენტის, სახელმწიფო ხალხისთვის პრეზიდენტობის კანდიდატის – მიხეილ ანთაძის, მხარდამჭერია.
როგორ მოხვდა მოქმედი პრემიერმინისტრი ოპოზიციის ერთ-ერთი საპრეზიდენტო კანდიდატის მხარდამჭერთა სიაში, ამას პროკურატურა გამოიძიებს. რამდენიმე დღეში გაირკვევა .შეუქმნის თუ არა ეს ფაქტი ოპოზიციურ პარტიებს პროცედურულ ბარიერებს საარჩევნოდ,
ცესკო პერსონალური მონაცემების გავრცელებას კატეგორიულად უარყოფს, თუმცა აცხადებს, რომ სიაში სხვა უზუსტობებსაც მიაგნო. კერძოდ, დარღვევები იყო რ ეროვნულ-დემოკრატიული პარტიის მიერ წარდგენილ სიებშიც, რის შესახებაც მათ მოქალაქეებმა ცხელი ხაზის საშუალებით აცნობეს. ორივე სია უკვე გადაგზავნილია პროკურატურაში.
ეროვნულ-დემოკრატიული პარტიის ლიდერი, ბაჩუკი ქარდავა, ამბობს, რომ სიების საგამოძიებო უწყებაში გადაგზავნის ახალი პრაქტიკა ადასტურებს, რომ ცენტრალურ საარჩევნოს კომისიას რეალურად ხელისუფლება და სუს-ი მართავს.