ხორბლის გადამზიდავების პროტესტი გრძელდება. ლილოში, გაფორმების ეკონომიკურ ზონაში სამუშაო პროცესი ამ დრომდე შეწყვეტილია, პროცედურები შეჩერებულია მათ შორის, იმ იმპორტიორებისთვისაც, ვისაც ქვეყანაში მალფუჭადი პროდუქტი შემოაქვს.ხორბლის გადამზიდავების იმ დადგენილების გაუქმებას ითხოვენ, რომლის მიხედვითაც საქართველოში ხორბლის სახმელეთო გზით შემოტანა იკრძალება.ხორბლის იმპორტიორები ამბობენ, რომ ამ ბიზნესით სავარაუდოდ კონკრეტული პირები დაინტერესდნენ.ხორბლის გადამზიდავების ფინანსთა სამინისტროს გადაწყვეტილების შესაცვლელად ორ დღიან ვადას აძლევენ. ხორბლის იმპორტიორები ფინანსთა მინისტრს ლილოში მისვლასა და აქციის მონაწილეებთან შეხვედრას ითხოვენ.„გვინდა გამოვიდეს მინისტრი და აგვიხსნას ყველაფერი – რა ხდება და მაგის მიხედვით ვიმოქმედებთ. სანამ არ გაუქმდება ეს გადაწყვეტილება არ დავიშლებით არავინ. უფრო და უფრო მეტი ვიქნებით ყოველდღე“-ამბობს აქციის ერთ-ერთი მონაწილე ვაჟა გოგოლაძე.ფინანსთა სამინისტროს შემოსავლების სამსახურმა ხორბლის გადამზიდავების პროტესტის საპასუხოდ განცხადება გაავრცელა, სადაც მოუწოდა აქციის მონაწილეებს დიალოგის გზით მივიდნენ პრობლემის გადაჭრამდე.