“ძალიან დიდი ბოროტებაა იმის თქმა, რომ საქართველოს ტერიტორიაზე საქართველომ დაიწყო ომი” – მეუფე პეტრე მოსახლეობას მოუწოდებს მხარი არ დაუჭიროს სალომე ზურაბიშვილს

0
512
ჭყონდიდის მიტროპოლიტი მეუფე პეტრე კვირის ქადაგების შემდეგ „ქართული ოცნების“ მხარდაჭერილი კანდიდატის შესახებ საუბრობს.
 
ამჯერად მღვდელმთავარი სალომე ზურაბიშვილის ბოლო სკანდალურ განცხადებას გამოეხმაურა, სადაც მმართველი გუნდის მხარდაჭერილმა კანდიდატმა განაცხადა, რომ საქართველს ხელისუფლებამ 2008 წლის აგვისტოში საკუთარი მოსახლეობა დაბომბა.
 
მეუფე პეტრე ამბობს, რომ ეს განცხადებები კრემლის რიტორიკის გახმოვანებაა და მიზანმიმართული ბოროტება.
 
მეუფე პეტრემ "რუსთავი2"-თან საუბრისას კი კიდევ ერთხელ მოუწოდა ამომრჩეველს, გამოიჩინოს გონიერება და ისევე თქვას უარი ზურაბიშვილის კანდიდატურის მხარდაჭერაზე, როგორც ეს კრემლის მხარდაჭერილ საპრეზიდენტო კანდიდატთან დაკავშირებით საფრანგეთის მოსახლეობამ გააკეთა.
 
„ქართველ ერს არასოდეს დაპყრობითი ომი არ უწარმოებია, ყველა ბრძოლა ეს იყო დიდი წარმატება, დიდგორი-ბასიანი და სხვა, თუ მარცხი, ყოველთვის, ყველა ომი იყო საქართველოს ტერიტორიაზე. საქართველოს ტერიტორიის გარეთ არასოდეს ყოფილა არცერთი ომი.  
 
შესაბამისად, ძალიან დიდი ბოროტებაა იმის თქმა, რომ საქართველოს ტერიტორიაზე საქართველომ დაიწყო ომი. რა თქმა უნდა, ეს არის ან უმეცრება, საქართველოს ეკლესიისა და  ისტორიისა, ან არის ეს შეგნებული ბოროტება“-ამბობს მეუფე პეტრე.
 
მიმაჩნია და ვფიქრობ, და მინდა ვირწმუნო, როგორც თვით საფრანგეთში კრემლის მიერ მხარდაჭერილ საპრეზიდენტო ქალბატონს არ დაუჭირა ფრანგმა ხალხმა მხარი და უთხრა მას უარი, ასევე ქართველი ერიც იტყვის უარს საქართველოს წინააღმდეგ ჩაფიქრებულ ბოროტებაზე“-ამბობს მეუფე პეტრე.
წინა სტატია“ჩვენი დაფრანგული ქალბატონი თავის დაფრანგული აზროვნებით ვერ მოგვიტანს კეთილდღეობას ” – მეუფე პეტრე
შემდეგი სტატიასალომე ზურაბიშვილმა მოიხადოს ბოდიში და დაუყოვნებლივ მოხსნას თავისი კანდიდატურა – მიხეილ სააკაშვილი
ტელეკომპანია ოდიშის საინფორმაციო სამსახური