შავ ზღვაზე 4 ბალიანი შტორმია და ტალღების სიმაღლე 3 მეტრს აღწევს. ამის შესახებ ინფორმაციას საგანგებო სიტუაციების მართვის სამსახური ავრცელებს. მათი ცნობით, ყველა სამაშველო კოშკურაზე აღმართულია წითელი ალამი.
„კოშკურებზე თეთრი ალმის აღმართვის შემთხვევაში ზღვაში შესვლა ნებადართული იქნება. საგანგებო სიტუაციების მართვის სამსახური მოსახლეობას მოუწოდებს, ყურადღება მიაქციონ ამკრძალავ ნიშნებსა და დაემორჩილონ მაშველების რეკომენდაციებს.
აკრძალვა 16 სექტემბრის 10:00 საათამდე მოქმედებს“, -ნათქვამია ინფორმაციაში.
მეტეოროლოგების ცნობით, დღეიდან 18 სექტემბრამდე საქართველოში ამინდი გაუარესდება, მოსალოდნელია დროგამოშვებით წვიმა ელჭექით, ზოგან ძლიერი, შესაძლებელია სეტყვა, ქარის გაძლიერება, ხოლო ზღვაზე 3 – 4 ბალიანი ღელვა.
„მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ – ღვარცოფული პროცესების ჩასახვა – გააქტიურება გამოიწვიოს“, – ნათქვამია სააგენტოს ინფორმაციაში.
