დიღომში 16 წლის მოზარდი მისმა თანატოლმა ბასრი იარაღით დაჭრა. ჭრილობა ბარძაყშია მიყენებული.
დაჭრილი იაშვილის სახელობის კლინიკაში გადაიყვანეს. სადაც ოპერაცია ჩაუტარდა.ექიმების ინფორმაციით, ამ დროისთვის მის სიცოცხლეს საფრთხე არ ემუქრება.
შემთხვევა დიღომში, ერთ-ერთ საცხოვრებელ კორპუსთან იმ დროს მოხდა, როდესაც მოზარდები ბანქოს თამაშობდნენ. თამაშისას მათ შელაპარაკება მოუვიდათ, რაც ბიჭის დაჭრით დასრულდა.
შინაგან საქმეთა სამინსიტროს ინფორმაციით, ბრალდებული ახალგაზრდა მომხდარიდან მალევე დააკავეს.
გამოძიება ჯანმრთელობის განზრახ მძიმე დაზიანების მუხლით მიმდინარეობს.