სოფელ ხელთუბანთან, ცენტრალურ ავტომაგისტრალთან 6 ივლისს საეჭვო ვითარებაში გარდაცვლილი ახალგაზრდის თორნიკე მერებაშვილის მამა საპროტესტო აქციას მართავს. ის და სოფლის მოსახლეობა მაგისტრალის გადაკეტვას ცდილობენ. ოჯახი საქმის სრულფასოვან გამოძიებას მოითხოვს, კერძოდ დადგენას იმისა რა ვითარებაში მოხდა მისი ვაჟის გარდაცვალება.
18-წლის ბიჭი უძიმეს მდგომარეობაში იპოვეს ივლისში გორი-მეჯვრისხევის მაგისტრალზე, სოფელ ხელთუბნის მონაკვეთზე , როცა ადგილზე სასწრაფო დახმარების ბრიგადა მივიდა, ბიჭი ჯერ ისევ სუნთქვადა, მაგრამ საავადმყოფოსკენ მიმავალ გზაზე გარდაიცვალა. საქმე თვითმკვლელობის მუხლით არის აღძრული, თუმცა გარდაცვლილის მამამ მომხდარი ფაქტიდან მეორე დღესვე განაცხადა ჟურნალისტებთან, რომ მისი შვილი მოკლულია.
მისი თქმით, თორნიკე მერებაშვილი ნაკვეთში მეგობრებთან ერთად მუშაობდა. საღამოს კი, პურის საჭმელად გავიდა. გარდაცვალებამდე თორნიკემ ბიძაშვილს დაურეკა – ,,დაჭრილი ვარო". შემდეგ კი, სასწრაფოს ნომერი მოუთხოვია. პირველი სატელეფონო ზარის შემდეგ ბიჭს დედამ დაურეკა, რაზეც თორნიკემ უპასუხა, რომ სახლში მიდიოდა. შემდეგ კი, იგი აღარ პასუხობდა სატელეფონო ზარებს.
.,, ბავშვი, როცა წაიყვანეს ასე მითხრეს, სუნთქავდაო, მაგრაბ მერე, ნათქვამი უკან წაირეს შემოყვანის დროიდან ეგ ბავშვი აღარ იყოვო,“ – განაცხადა გარდაცვლილის მამამ.
გამოძიებამ დღემდე ვერ დაადგინა, არა თუ ის, რა შეემთხვა ახალგაზრდას, არამედ ისი კი სად გარდაიცვალა იგი – საავადმყოფოში, გზაში თუ ადგილზე.
