სალომე ზურაბიშვილის საარჩევნო კამპანიის მთავარი დამფინანსებელი „კოკა-კოლას“ დირექტორი ვახტანგ ლაღიძეა. პარტიების ფინანსური მონიტორინგის სამსახურმა პარტიების დაფინანსების შესახებ ინფორმაცია გამოაქვეყნა.
ირკვევა, რომ საარჩევნო კამპანიის დაწყებიდან დღემდე „კოკა-კოლას“ დირექტორმა სალომე ზურაბიშვილს 50 ათასი ლარი შესწირა, ხოლო თავად სალომე ზურაბიშვილმა თავის თავს 40 ათასი ლარი.
ჯამში პრეზიდენტობის კანდიდატმა შემოწირულობის სახით 107 ათასი ლარი მიიღო, შემომწირველებს შორის არიან მისივე შტაბის თანამშრომლები.