პრეზიდენტობის კანდიდატის, სალომე ზურაბიშვილის მოსახლეობასთან შეხვედრა ქუთაისში საპროტესტო აქციის ფონზე მიმდინარეობს.
მესხიშვილის სახელობის თეატრთან, სადაც ზურაბიშვილი ამომრჩეველს ხვდება, „ნაციონალური მოძრაობის“ წარმომადგენლები შეიკრიბნენ.
ისინი აგვისტოს ომთან დაკავშირებით პრეზიდენტობის კანდიდატის სკანდალურ განცხადებებს აპროტესტებენ.
აქციის მონაწილეების თქმით, სალომე ზურაბიშვილი რუსეთის ინტერესების გამტარებელია და დაუშვებელია, რომ ის საქართველოს პრეზიდენტი გახდეს.
აქციის მონაწილეებმა მესხიშვილის თეატრის წინ მისულებმა თეატრში შესვლაც სცადეს. მათი თქმით, როგორც მოქალაქეებს შეხვედრაზე დასწრება უნდოდათ, თუმცა ისინი სალომე ზურაბიშვილის მომხრეებმა შენობაში არ შეუშვეს.