საკადრო ცვლილებები სამეგრელო-ზემო სვანეთის სამხარეო ადმინისტრაციაში

0
473
სამეგრელო-ზემო სვანეთის სამხარეო ადმინისტრაციაში ახალი გუბერნატორის ალექსანდრე მოწერელიას მოსვლის შემდეგ დაწყებული საკადრო ცვლილებები გრძელდება.   ვრცელდება არაოფიციალური ინფორმაცია, რომ თანამდებობა შესაძლოა  ადმინისტრაციის  ხელმძღვანელმა ლაშა გვასალიამ დატოვოს.
 
თავად ლაშა გვასალია აცხადებს, რომ განცხადება სამსახურიდან წასვლის შესახებ ჯერ არ დაუწერია,  რადგან ''ზარს ელოდება'',   თუმცა  მისი თქმით, მისი შემცვლელი უკვე შერჩეულია. 
 
ლაშა გვასალიას განცხადებით, მას სთავაზობენ სხვა სამსახურს,  მაგრამ  საარაუდოდ, არ დათანხმდება  ამ წინადადებას, რადგან თვლის, რომ  მაღალი  რანგის სამსახურიდან ნაკლებად მაღალ თანამდებობაზე გადასვლა მისი ღირსებისთვის შეუფერებლად მიაჩნია/
 
ადმინისტრაციაში კი ამბობენ, რომ  პოსტზე, რომელიც ამ დროისათვის  ლაშა გვასალიას უკავია,   სხვა კანდიდატურის განხილვა მხოლოდ  ხოლოდ იმ შემთხვევაში  დაიწყება, თუ ლაშა გვასალია არ შეცვლის გადაწყვეტილებას პოსტის დატოვების შესახებ. ახალი კანდიდატურის შერჩევა მოხდება კონკურსის საფუძველზე.
 
 რაც შეეხება გუბერნატორის მოადგილეს კობა ქანთარიას, რომლის დარჩენა პოსტზე ასევე კითხვის ნიშნის ქვეშ დგას, მუშაობას აგრძელებს და, როგორც აცხადებს, თანამდებობის დატოვებას არ აპირებს.   
 
 
წინა სტატიასადაც სიმინდი და ლობიო, იქ კანაფიცო … გუგული მაღრაძემ, ვოლსკი კი გაბრაზდა
შემდეგი სტატიასალომე ზურაბიშვილის მოსახლეობასთან შეხვედრა ქუთაისში საპროტესტო აქციის ფონზე მიმდინარეობს
ტელეკომპანია ოდიშის საინფორმაციო სამსახური