ბიძინა ივანიშვილის ბიზნეს გეგმები და ქრონოლოგია, რომელზეც ოპოზიცია საუბრობს – ყოფილი პრემიერის ოპონენტები ამბობენ, რომ მარიხუანას ექსპორტის ლეგალიზებისთვის ბრძოლა, ბიძინა ივანიშვილის ფარული გეგმის ნაწილია, რომელმაც ოლიგარქს მილიარდები უნდა მოუტანოს.ოპოზიციის წევრები ამბობენ, რომ სქემა ასეთი იყო – ახალგაზრდების პროტესტს მხარი დაუჭირა ბერა ივანიშვილმა, აქციის მონაწილეების მიმართ ლოიალური იყო შინაგან საქმეთა მინისტრი. საკონსტიტუციო სასამართლომ მიიღო გადაწყვეტილება და ბოლოს ქართულმა ოცნებამ ეს ყველაფერი პოლიტიკის ნაწილად აქცია.„ქართულ ოცნებაში“ კი ამ სქემის არსებობას შეთქმულების თეორიად მიიჩნევენ, მაგრამ ყველაფერი კიდევ უფრო აშკარა ხდება როდესაც ირკვევა, რომ ბიძინა ივანიშვილს უკვე ფლობს წილს საერთაშორისო კომპანიაში, რომელიც მარიხუანის ბიზნესითა დაინტერესებული.ბიძინა ივანიშვილის მიერ შევსებულ ბოლო ქონებრივ დეკლარაციაში წერია, რომ ის ერთ-ერთი ყველაზე მსხვილი, ამერიკული კორპორაციის "გოლდმენ საქსში" 251 ათასზე მეტ აქციას ფლობს. კომპანია კი მარიხუანას ბიზნესითაა დაინტერესებული და ეხმარება იმ ინვესტორებს ვინც ამ ბიზნესის განვითარებაც ცდილობს.ეს ორი გარემოება, ოპოზიციას უჩენს გონივრულ ეჭვს, რომ ივანიშვილმა კომპანიიდან, რომელის მეწილეც არის კარგად შეისწავლა რა მოგება მოაქვს მარიხუანას, ამიტომ გადაწყვიტა ახლა თავად დაიწყოს ეს ბიზნესპროექტი საქართველოში.
ყოფილი პრემიერის ოპონენტები ამბობენ, რომ მარიხუანას ექსპორტის ლეგალიზებისთვის ბრძოლა, ბიძინა ივანიშვილის ფარული გეგმის ნაწილია
Published on