თბილისში სამი მოზარდი ნანგრევებში მოყვა. ერთერთი მათგანის მდგომარეობა უკიდურესად მძიმეა

0
467
შინაგან საქმეთა სამინისტროს ინფორმაციით, თბილისში, გარდაბნის გზატკეცილზე, 101-ე კორპუსის მიმდებარე ტერიტორიაზე, სავარაუდოდ ძველი ავტოფარეხის ჩამონგრევის დროს, ნანგრევებში მოყვნენ 2004 წელს დაბადებული ზ.ხ., 2003 წელს დაბადებული გ.მ. და 2010 წელს დაბადებული ნ.ქ. სამივე არასრულწლოვანი სამედიცინო დაწესებულებაშია გადაყვანილი.
 
ნანგრევებში მოყოლილი ერთ-ერთი არასრულწლოვნის ჯანმრთელობის მდგომარეობა, რომელიც რეფერალურ ჰოსპიტალში იმყოფება, კვლავ უკიდურესად მძიმეა.   მას მრავლობითი დაზიანებები აღენიშნება, მათ შორის თავის არეში.და მართვით სუნთქვაზე იმყოფება. კლინიკაში აცხადებენ, რომ მოზარდის მდგომარეობის შენარჩუნებას ექიმები მედიკამენტების საშუალებით ცდილობენ.
 
 
„აღნიშნულზე შინაგან საქმეთა სამინისტრომ გამოძიება სისხლის სამართლის კოდექსის 240-ე მუხლის პირველი ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს“, – ნათქვამია უწყების ინფორმაციაში.
წინა სტატიაზაზა სარალიძე ხელისუფლების გადადგომას და ვადამდელ საპარლამენტო არჩევნებს ითხოვს
შემდეგი სტატია“სიკვდილამდე დარწმუნებული ვიქნები, რომ სწორედ რუსულმა მხარემ გაისროლა პირველმა”- მეთიუ ბრაიზამ 2008 წლის აგვისტოს ომი შეაფასა
ტელეკომპანია ოდიშის საინფორმაციო სამსახური