საქართველოს მესამე პრეზიდენტი მიხეილ სააკაშვილი "ფეისბუქის" საკუთარ გვერდზე ქვეყანაში საექსპორტო მარიხუანას წარმოების შესახებ გავრცელებულ ინფორმაციას ეხმაურება – "უჩას და ბერას ახალი ბიზნესი" წერს სააკაშვილი.
,,როგორ წარმოგიდგენიათ, მოზარდი რომ შევა ივანიშვილის აფთიაქში პლანის საყიდლად , მას ვინმე უარს ეტყვის,როცა ამით ფულს თავად ოლიგარქი აკეთებს? საქართველოს სჭირდება არა ივანიშვილი,არამედ ჯანსაღი ალტერნატივა- წერდა პრეზიდენტი სააკაშვილი 2 აგვისტოს თავის ფეისბუქგვერდზე. მას სხვა დროსაც არაერთხელ აღუნიშნავს, რომ მარიხუანას წარმოებას მწვანე გზას სწორედ ეს პირები აძლევენ და ამაში დამატებითი შემოსავლების მიღებას გეგმავენ.
ამ პოსტს მაშინ არაერთგვაროვანი გამოხმაურება მოყვა – ბევრმა პრეზიდენტს ივანიშვილის ნებისმიერი მოტივით გაკრიტიკებაში დასდო ბრალი და ხელაღებით უარყოფდა, რომ ბიძინა ივანიშვილს და მის ბერასა და უჩას რაიმე ბიზნესინტერესები ამოძრავებთ მარიხუანას ლეგალიზაციაში.