ზაზა სარალიძე და მალხაზ მაჩალიკაშვილი 10 სექტემბრიდან პერმანენტულ აქციებს გეგმავენ

0
492
რუსთაველის გამზირზე დღეს შვილმოკლული მშობლების პროტესტი განახლდება. აქცია საღამოს 18:00 საათზე დაიწყება.ზაზა სარალიძე და მალხაზ მაჩალიკაშვილი აცხადებენ, რომ მათი შვილების მკვლელობის საქმეები ისევ გამოუძიებელია და ხელისუფლება რეალურ დამნაშავეებს ხელს აფარებს.„ჩვენ არ ვართ მხოლოდ და მხოლოდ შვილმოკლული მშობლები. ჩვენ ვართ უკვე სისტემის მსხვერპლი,“-განაცხადა ზაზა სარალიძემ.
სარალიძე და მაჩალიკაშვილი საზოგადოებას თანადგომისკენ მოუწოდებენ. ისინი რუსთაველზე ელოდებიან ყველას, ვინც ფიქრობს რომ დანაშაულებები ისევ გამოუძიებელია. აქციაზე ჩამოსვლას გეგმავენ პანკისელებიც.
„აქციები გაგრძელდება მანამ სანამ არ დაკმაყოფილდება ჩემი ყველა ის მოთხოვნა და ზაზა სარალიძის მოთხოვნა. მაშინ იქნება დამაკმაყოფილებელი ის ყველაფერი, როდესაც დაისჯება ბატონი გომელაური, გოგაშვილი და ის სპეცრაზმელი. უნდა ჩატარდეს გამოძიება და უნდა გამოირიცხოს, რომ მე და თემირლანი არ ვართ ამ ტერორიზმში გარეული,“-აცხადებს მალხაზ მაჩალიკაშვილი.
 
წინა სტატია28 წლის დაკარგული ქართველის ცხედარი თურქმა მაშველებმა ზღვაში იპოვეს
შემდეგი სტატიათბილისი-სენაკი-ლესელიძის საავტომობილო გზაზე მოძრაობა ოთხი დღით შეიზღუდა
ტელეკომპანია ოდიშის საინფორმაციო სამსახური