ტელეკომპანია „იბერიას“ თანამშრომლები საპროტესტო მსვლელობას მართავენ

0
450
 ტელეკომპანია „იბერიას“ თანამშრომლები საპროტესტო მსვლელობას მართავენ. ისინი მთავრობის ადმინისტრაციისკენ მიემართებიან და დამოუკიდებელ მაუწყებელზე ხელისუფლების ზეწოლას აპროტესტებენ.მსვლელობის გამო ტელეკომპანია „იბერიამ“ რამდენიმე საათით მაუწყებლობა შეაჩერა.მსვლელობა ტელეკომპანიის ოფისიდან დაიწყო და მთავრობის ადმინისტრაციის შენობასთან დასრულდება.ტელეკომპანია „იბერიას“ საინფორმაციო სამსახურის უფროსი, ვახო ხუზმიაშვილი საპროტესტო მსვლელობის მიზანს განმარტავს და აცხადებს, რომ მთავრობის ადმინისტრაციასთან მისული ჟურნალისტები ხელისუფლებას მიაწვდიან ხმას.
„ტელეკომპანიას ისინი ვერ წაიღებენ, ვერ წაიღეს ვერცერთი ტელეკომპანია და ვერც „იბერიას“ ვერ წაიღებენ. ჩვენ სვხ გზა არ დაგვიტოვეს, ჩვენ ვართ ჟურნალისტები, ვერ გამოვიყვანთ ტანკებს, ბეტეერებს, ამიტომ, რა რესურსიც გვაქვს, რომ მივიდეთ მშვიდობიანად, რომ უნდა გაჩერდნენ და არ გამოუვათ ეს შეტევა, შემდეგ დავბრუნდებით ტელეკომპანიაში და ისევ გავაგრძელებთ მაუწყებლობას, სანამ ამის საშუალება ჩვენ გვექნება,“ – განაცხადა ხუზმიაშვილმა.ტელეკომპანიის და თავისუფალი ბიზნესის მიმართ მიზანმიმართულ ბრძოლად აფასებს ტელეკომპანია "იბერიის" თანამშრომელი, მწერალი მიმდინარე მოვლენებს.
პროტესტს ჟურნალისტებმა მას შემდეგ მიმართეს, რაც გავრცელდა აუდიო ჩანაწერი, სადაც სავარაუდოდ, სპორტის ყოფილი მინისტრი, ლევან ყიფიანი „ომეგა ჯგუფის“ დამფუძნებელს ზაზა ოქუაშვილს ტელეკომპანიის დათმობაზე ესაუბრება. 
წინა სტატიააფხაზეთის პრემიერის უკანასკნელი გზა სირიიდან სოხუმისაკენ – გენადი გაგულია ავტოსაგზაო შემთხვევას ემსხვერპლა
შემდეგი სტატიასალომე ზურაბიშვილი – ქართული პროვინციალიზმის და ფრანგული აროგანტულობის კოქტეილი. ოპოზიციური რესურსი დამარცხებას უნდა მოხმარდეს – აცხადებს ოპოზიცია
ტელეკომპანია ოდიშის საინფორმაციო სამსახური