პარიზის ცენტრში დანითა და რკინის ჯაჭვით შეიარაღებულმა მამაკაცმა 7 ადამიანი დაჭრა. თავდამსხმელმა ადგილიდან მიმალვა სცადა, თუმცა სამართალდამცველებმა მისი დაკავება შეძლეს.
შემთხვევა წუხელ, ადგილობრივი დროით 23: 00 საათისთვის მოხდა, თავდამსხმელი ჯერ კინოთეატრთან მდგარ მოქალაქეებს დაერია, ხოლო შემდეგ მიმდებარე ქუჩაზე მოსეირნე გამვლელებს. საფრანგეთის მედიის ინფორმაციით, თავდამსხმელი წარმოშობით ავღანელია. გამოძიება ვარაუდობს, რომ მომხდარს ტერორიზმთან კავშირს არ აქვს.
თავდასხმის მოტივი ამ დრომდე უცნობია. დაშავებულები საფრანგეთისა და ბრიტანეთის მოქალაქეები არიან. 4 მათგანის მდგომარეობა მძიმეა. ისინი ამ დრომდე საავადმყოფოში იმყოფებიან
