7 სექტემბერს მსოფლიოს პატრიარქმა რუსეთის პატრიარქს განუცხადა, რომ უკრაინის მართლმადიდებელი ეკლესიისთვის ავტოკეფალიის მინიჭება გარდაწყვეტილია და ამ განცხადებიდან მოკლე ხანში ავტოკეფალიის ცნობის მზადების პროცესში, კიევში თავის ეგზარქოსები დანიშნა – არქიეპისკოპოსი დანიილ პამფილიევი აშშ-დან და ეპისკოპოსი ილარიონ ედმონტელი კანადიდან
.მსოფლიო პატრიარქის ბართლომეოსის მიერ უკრაინაში თავისი წარმომადგენლების დანიშვნას რუსეთის მართლმადიდებელი ეკლესია თავის კანონიკურ ტერიტორიაზე შეჭრად თვლის.
"კონსტანტინოპოლის პატრიარქის მიერ უკრაინაში თავისი წარმომადგენელ-ეპისკოპოსების დანიშვნა, მოსკოვის და სრულიად რუსეთის პატრიარქთან და კიევის და სრულიად უკრაინის უნეტარესი მიტროპოლიტთან შეთანხმების გარეშე, სხვა არაფერია, თუ არა უპრეცედენტოდ უხეში შეჭრა მოსკოვის პატრიარქის კანონიკურ ტერიტორიაზე. ასეთი ქმედებები არ შეიძლება, დარჩეს უპასუხოდ," – განაცხადა რუსეთის მართლმადიდებელი ეკლესიის საზოგადოებასთან და მასობრივი ინფორმაციის საშუალებებთა ურთიერთობის სინოდალური განყოფილების თავმჯდომარემ, ვლადიმირ ლეგოიდამ