მთავარისიახლეებიპოლიტიკაანაკლიის ზღვის ფსკერი სპეციალისტებმა შეისწავლეს

ანაკლიის ზღვის ფსკერი სპეციალისტებმა შეისწავლეს

Published on

  ბელგიური კომპანია. Adede-ს სპეციალისტებმა და მყვინთავებმა ანაკლიის საზღვაო აკვატორია და ზღვის ფსკერი შეისწავლეს.და განაღმვითი სამუშაოები ჩაატარეს. კომპანია ამ მიზნით „ანაკლიის განვითარების კონსორციუმმა“ მოიწვია. 
 
ტექნიკური მოკვლევა საერთაშორისო სტანდარტების (IMAS) შესაბამისად ჩატარდა. სპეციალური მოწყობილობებით (სკანერი, gps, წყალქვეშა ქვიშის სატუმბი, წყალქვეშა დეტექტორი და სხვ.), სპეციალისტებმა ჯერ საზღვაო არეალი გამოიკვლიეს, სიგნალით დაფიქსირებული წერტილები კი ჩაყვინთვის შედეგად შეისწავლეს და მათი იდენტიფიცირება მოახდინეს.
 
სამუშაო პროცესში აქტიურად იყო ჩართული სსიპ სახელმწიფო სამხედრო სამეცნიერო-ტექნიკური ცენტრი „დელტა“, რომელიც სამუშაოების ხარისხიანად, უსაფრთხოდ და გეგმის მიხედვით წარმართვას მეთვალყურეობდა, რის შემდეგაც სამშენებლო პროექტის მთლიანი საზღვაო ტერიტორია გამოცხადდა უსაფრთხოდ.
 
მსგავსი ტიპის სამუშაოები 2017 წელს, სახმელეთო სამშენებლო პროცესის დაწყებამდე, ანაკლიის პორტის საინვესტიციო ტერიტორიის სახმელეთო ნაწილზეც ჩაატარა. მაშინ სახმელეთო განაღმვითი პროცესი ჰუმანიტარული განაღმვის ბრიტანულმა ორგანიზაციამ „ჰალო ტრასტმა“ (Halo Trust), „დელტას“ მონიტორინგის ფარგლებში შეასრულა.
 
ანაკლიის პორტის საზღვაო სამუშაოების მოსამზადებელ პერიოდში, ასევე ჩატარდა პორტის აკვატორიის არქეოლოგიური შესწავლა: არქეოლოგებმა და მყვინთავებმა ანაკლიის პორტის საინვესტიციო საზღვაო ტერიტორიის ფსკერი გამოიკვლიეს. აღნიშნული სამუშაოები კულტურული მემკვიდრეობის საკონსულტაციო ჯგუფმა “ლოკუს-მრჩეველმა“ ჩაატარა, რომლის სპეციალისტებმა ზღვის ფსკერი სპეციალური თანამედროვე ტექნიკური აღჭურვილობით (სონარი, სკანერი) შეისწავლეს. არქეოლოგების დასკვნით, ფსკერზე დაფიქსირდა ლითონის ელემენტები, ფრაგმენტები, ქვების ყრილები, რომლებიც კულტურულ მემკვიდრეობის ღირებულებას არ ატარებს.
 
 

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...