პრეზიდენტის ავლაბრის სასახლე, ვფიქრობ, რომ გასაყიდია – იქ შეიძლება გაკეთდეს სასტუმრო, ან მილიონი სხვა რაღაც, – ამის შესახებ „გირჩის“ პრეზიდენტობის კანდიდატმა, ზურა ჯაფარიძემ „პალიტრანიუსის“ გადაცემაში “7 VS 1” განაცხადა. მისი თქმით, გამარჯვების შემთხვევაში ის აპირებს იყოს საქმიანი და მუდმივი კომუნიკაცია ჰქონდეს კანონმდებლებთან, შესაბამისად, ის ავლაბრის სასახლეში ყოფნის აუცილებლობას ვერ ხედავს.
„მე, როგორც პრეზიდენტი ვფიქრობ, რომ ვეტოები უნდა ვურტყა კანონებს, 99% მაინც და უნდა ვიარო ქუთაისში, ვინაიდან ეს არის საპარლამენტო მმართველობა და პრეზიდენტი უნდა იჯდეს იქ, სადაც არის პარლამენტი. ერთად უნდა მუშაობდნენ, მე ასე მაქვს წარმოდგენილი“, – განაცხადა ზურა ჯაფარიძემ.