ბორჯომ-ხარაგაულის ეროვნულ პარკში გაჩენილი ხანძრის ქრობის პროცესში 43 წლის რეინჯერი ივანე კუპრაძე დაიღუპა., იგი ხანძრის დროს წაქცეულმა ხემ იმსხვერპლა.
გარდაცვლილს ექსპერტიზა ახალციხეში ჩაუტარდა, დღეს დილით კი საკუთარ სახლში გადაასვენეს.
მომხდართან დაკავშირებით შს სამინისტრომ გამოძიება უკვე დაიწყო.
არსებული ვერსიით ხანძარი გამოიწვია ხარაგაულის ტყე-პარკში მოქალაქეთა მიერ დატოვებულმა კოცონმა – ცეცხლი ახლო მდებარე ხეებს გადაედო .
მომხდართან დაკავშირებით საქართველოს გარემოს დაცვისა და სოფლის მეურნეობის სამინისტრო და დაცული ტერიტორიების სააგენტო განცხადებას ავრცელებს.
„ივანე კუპრაძე ბორჯომ-ხარაგაულის ეროვნულ პარკში 2003 წლიდან მუშაობდა. ამჟამად იგი გარემოს დაცვისა და სოფლის მეურნეობის სამინისტროს დაცული ტერიტორიების ბორჯომ-ხარაგაულის ნაკრძალის უფროსის მოვალეობას ასრულებდა. გამორჩეული და თავდადებული შრომისთვის არაერთხელ აქვს მიღებული მადლობის სიგელი. იგი გამოირჩეოდა ბრაკონიერებთან შეუპოვარი ბრძოლით და ხშირად ჩაუგდია თავი საფრთხეში.
ღრმა მწუხარებას გამოვთქვათ მომხდარის გამო და ვუსამძიმრებს გარდაცვლილის ოჯახს, – ნათქვამია ინფორმაციაში.
შინაგან საქმეთა სამინისტროს ბორჯომის რაიონულ სამმართველოში გამოძიება სიცოცხლის გაუფრთხილებლობით მოსპობის ფაქტზე, სისხლის სამართლის კოდექსის 116-ე მუხლის პირველი ნაწილით დაიწყო