იაპონიაში ძლიერი მიწისძვრა მოხდა. 6.7 მაგნიტუდის სიმძლავრის ბიძგები, რომელიც თითქმის ერთი წუთის განმავლობაში გრძელდებოდა, კუნძულ ჰოკაიდოზე იგრძნობოდა.
წინასწარი მონაცემებით, დაიღუპა 7 ადამიანი, 40-მდე კი ამ დრომდე დაკარგულად მიიჩნევა.
დაშავებულთა რაოდენობა უკვე 120-ს აჭარბებს. ძლიერმა ბიძგებმა სტიქიის ზონაში მეწყერი გამოიწვია და საცხოვრებელი სახლები ქვეშ მოიყოლა.
დაზიანდა ტაძრები და ელექტროსადგურიც, რომელიც კუნძულის მოსახლეობის ნახევრის მომარაგებას უზრუნველყოფდა.
ელექტროენერგიის გარეშე 5 მილიონზე მეტი აბონენტია დარჩენილი.
ძლიერი მიწისძვრის გამო ჰოკაიდოს გუბერნატორმა რუსეთში ვიზიტი გადადო, თუმცა იაპონიის პრემიერ-მინისტრს ჯერჯერობით გეგმა არ შეუცვლია. სინძო აბე რუსეთში 10 სექტემბერს უნდა ჩავიდეს.
