ბრაზილიის ეროვნული მუზეუმი, რომელშიც 2 სექტემბერს ძლიერი ხანძარი მოხდა, ცდილობს ზარალი დათვალოს. წინასწარი ინფორმაციით, დაიწვა მუზეუმის კოლექციის 90% რაც 20 მილიონ ექსპონატს გულისხმობს. 

 

ზუსტადაა ცნობილი, რომ არ დაზიანდა ერთი ექსპონატი – ბრაზილიაში ნაპოვნი ყველაზე დიდი მეტეორიტი. 

 

 

 

1818 წელს აგებული შენობა ერთ დროს პორტუგალიის სამეფო ოჯახის რეზიდენცია იყო. მუზეუმში 20 მილიონი იშვიათი ექსპონატი იყო განთავსებული. საგამოფენო სივრცეში ასევე წარმოდგენილი იყო სამხრეთ და ჩრდილო ამერიკის მცენარეების, მინერალების, ცხოველების, მუმიებისა და ინდური ჭურჭლის იშვიათი ექსპონატები. ექსპოზიციაში შედიოდა დინოზავრის ჩონჩხი და 12 ათასი წლის წინანდელი თავის ქალის ძვლის ნაწილები.

 

 

 

მუზეუმის დირექტორმა მომხდარს „კულტურის სფეროს უდიდესი ტრაგედია“ უწოდა.

 

ფინანსური დახმარება მუზეუმს იუნესკო-მ, საფრანგეთმა, გერმანიამ, ეგვიპტემ და რუსეთმა შესთავაზა.