ენმ ზუგდიდის ორგანიზაცია საოლქო საარჩევნო კომისიას ნეპოტიზმში ადანაშაულებს [Video]

0
388
„ერთიანი ნაციონალური მოძრაობის“ ზუგდიდის ორგანიზაცია 67 -ე საოლქო საარჩევნო კომისიას ბრალს ნეპოტიზმში დებს.
 
ადგილობრივი ორგანიზაციის თავმჯდომარე ანა წითლიძე კომისიის ხუთივე წევრს „ქართული  ოცნების“ მაღალჩინოსნებთან ნათესაურ კავშირებზე საუბრობს.
 
.„ზუგდიდის საოლქო საარჩევნო კომისიის თავმჯდომარე მირანდა მესხი არის ცესკო-ს თავმჯდომარის თამარ ჟვანიას შვილის ნათლია, მესხის მოადგილე ნანა ოყუჯავა ზუგდიდის მერის ლაშა გოგიას შვილის ნათლიაა, ნანა შენგელია მერაბ ქვარაიას ნათესავია, ნანა გოგინავა, რომელიც ერთ-ერთი ააიპ-ის თანამშრომელია, მერის მოადგილის მაიზერ ნანავას რეკომენდაციითაა დანიშნული. ხათუნა დავიანტიც მერიის მაღალჩინოსნის ნათესავია, ლელა ლაშხიაც „ქართული ოცნების“ ინტერესების გამტარებელია.
 
ისინი ემზადებიან გაყალბებისთვის, თუმცა ჩვენ მათ არც ერთ ხმას არ გავაყალბებინებთ“- აცხადებს წითლიძე.
 
ერთიანი ნაციონალური მოძრაობის ბრალდებებს საოლქო საარჩევნო კომისიაში უპასუხეს.. 67-ე საოლქო საარჩევნო კომისიის თავმჯდომარე მირანდა მესხი თამარ ჟვანიასთან ნათესაურ კავშირს არ უარყოფს, თუმცა ამბობს, რომ ეს საქმესთან კავშირში არ არის, რადგან ის გაცილებით ადრე მუშაობდა ამ სისტემაში, ვიდრე თამარ ჟვანია გახდებოდა ცესკო-ს თავმჯდომარე.
 
ანა წითლიძე აცხადებს, რომ ცესკო წინასწარ გაყალბებისთვის ემზადება და კომისიების ნეიტრალური ადამიანებით დაკომპლექტებას მოითხოვს.
 
 

წინა სტატიამედია ფორუმის რუსმა მონაწილეებმა მიიღეს პასუხი კითხვაზე ,, რას ფიქირობს ქართველი ხალხი იმაზე, თუ ვინ არის ოკუპანტი და ვინ არა
შემდეგი სტატიარა მოხდა ფოთში? – ახალი დეტალები ყუმბარის აფეთქების გარემოებათა შესახებ
ტელეკომპანია ოდიშის საინფორმაციო სამსახური