ფოთში, ნაბადას უბანში, გაურკვეველ ვითარებაში რამდენიმე ახალგაზრდას ხელყუმბარა აუფეთქდა. ეღტი გარდაიცვალა, ორი კი დაშავდა, ერთ-ერთი დაშავებული არასრულწოვანია.შემთხვევა გამთენიისას ქუჩაში მოხდა. დაშავებულები ფოთისა და ქუთაისის საავადმყოფოებში გადაიყვანეს.აფეთქების შედეგად დაზიანებულია ინფრასტრუქტურა. დეტალებზე ადგილობრივებს საუბარი უჭირთ, რადგან შემთხვევის დროს ადგილზე არავინ იმყოფებოდა, აფეთქებაც გაურკვეველ ვითარებაში მოხდა.
ზუგდიდის რეფერალურ ჰოსპიტალში ფოთიდან პაციენტი მრავლობითი დაზიანებებით შემოიყვანეს. „ფოთიდან კატასტროფის სამსახურის მიერ გადმოყვანილ იქნა მამაკაცი,პოლიტრავმით. მას აღენიშნება ქალა-ტვინის ღია ტრავმა, თავის ტვინის შეშუპება. საფეთქლის და შუბლის ძვლის მოტეხილობა და გულმკერდის დახურული ტრავმა. მდგომარეობა ტერმინალურია, კომატოზური. იმყოფება მართვით სუნთქვაზე“, – აცხადებს კლინიკური მენეჯერი სულხან ორჟონია.