ოკუპირებული აფხაზეთის დე ფაქტო პრეზიდენტი რაულ ხაჯიმბა „ოფიციალური“ ვიზიტით სირიაში ჩავიდა. ამის შესახებ მისი პრესმდივნის მერ მიწოდებულ ინფორმაციაზე დაყრდნობით ,სააგენტო აბხაზია – ინფორმი'' იუწყება ა
ხაჯიმბას აეროპორტში სირიის საგარეო საქმეთა მინისტრი ვალიდ ალ-მუალემი დახვდა.
„მოლაპარაკებების დროს ხაჯიმბა და სირიის პრეზიდენტი ბაშარ ასადი ორმხრივი თანამშრომლობის პერსპექტივებზე და აფხაზურ-სირიული ურთიერთობების განვითარებაზე იმსჯელებენ“, – წერს აფხაზური მედია.
აფხაზური „დელეგაციის“ შემადგენლობაში შედიან: ე.წ. პრემიერ-მინისტრი გენადი გაგულია, ე.წ. პრეზიდენტის ადმინისტრაციის ხელმძღვანელი ბესლან ბარციცი, ე.წ. უშიშროების საბჭოს მდივანი მუჰამედ კილბა, ე.წ. საგარეო საქმეთა მინისტრი დაურ კოვე, ე.წ. თავდაცვის მინისტრი მირაბ ქიშმარია და ე.წ. ეკონომიკის მინისტრი ადგურ არძინბა.
