,,არ დაიწყოთ ახლა: ბუნტისთავია, ამან ყველაფერზე უნდა იჩუხობოსო. უსაფრთხოების მიზნით ჩავდგი ქოთანი იმ ორმოში და მორჩა.,,- ამ სტატუსით ეხმაურება მოქალაქე როსტომ ზარანდია, ზუგდიდში,რუსთაველის ქუჩაზე არსებულ ორმოს,სადაც მან ქოთნის ყვავილი ჩადო. სამოქალაქო აქტივისტის ქალაქში არსებული ორმული თხრილების გამო პროტესტის შესახებ მერიაში აცხადებენ, რომ საქმის კურსში არიან და შესაბამის სამსახურებს ამის შესახებ ინფორმაციაც მიაწოდეს და უახლოეს დღეებში მოაგვარებენ.ქალაქში არსებულ ორმოებსა უთავოდ დარჩენილ საკანალიზაციო ჭებზე ,,ოდიშინიუსმა,, მასალა რამდენიმე დღის წინ მოამზადა,მაშინ მერიაში განაცხადეს,რომ ამ პრობლემის მოგვარება მათი პრეროგატივა არ იყო და წყალმომარაგების კომპანიას უნდა გაეკეთებინა.წყალმომარაგების კომპანიისგან მიღებული პასუხის თანახმად კი ჭების თავსახურავები ხვალ, სამშაბათს გაკეთდება