სოციალურ ქსელში გავრცელებულ ინფორმაციას იმის შესახებ, რომ ზუგდიდის შალვა დადიანის სახელობის თეატრში პოლიცია შევიდა და რაღაც არაორდინალური ხდება, თეატრში ერთდროულად ღიმილითა და წუხილით პასუხობენ. როგორც თეატრის დირექტორმა ზარაბ ეგუტიამ ჩვენს კორესპონდენტს განუმარტა, თეატრში ამ ზაფხულს პოლიციელთა დიდი ჯგუფი მართლაც შევიდა (თან ორჯერ და თავად თეატრის ხელმძღვანელობის მიწვევით), მაგრამ მხოლოდ დამხოლოდ სპექტაკლზე დასასწრებად
,,ივლისში პოლიციელებისთვის ჩავატარეთ ორი საქველმოქმედო სპექტაკლი, დასწრება , რასაკვირველია, უფასო იყო. ძალიან გვახარებს, რომ პოლიციელებმა პირველივე სპექტაკლისადმი დიდი ინტერესი გამოავლინეს და სწორედ ამან გვიკარნახა ჩაგვეტარებინა კიდევ ერთი ასეთი სპექტაკლი, რომელსაც პირველის მსგავსად პოლიციელები დიდი ინტერესით დაესწრნენ.
ასე რომ პოლიციელები თატრში და სხვა კულტურულ დაწესებულებებში მხოლოდ კრიმინალის გამოსავლენად ან ექსტრაორდინალურ სიტუაციებში როდი შედიან. არაფერია უცნაური ასეთ დაწესებულებში ფორმიანი კაცის გამოჩენაში. პირიქით, რაცუფრო ხშირად მოხდება ეს, მით უკეთესი საზოგადოებისთვის. რაც შეეხება სოციალურ ქსელში ატეხილ უსაფუძვლო აჟიოტაჟს, ეს ნამდვილად სამწუხაროა, რადგან, სხვა რომ არაფერი, საზოგადოებაში პოლიციასთან დაკავშირებული სტერეოტიპების შედეგია – აცხადებს ზურაბ ეგუტია