წითელას და სხვა ინფექციური დაავადებების საწინააღმდეგო ვაქცინაქცია სავალდებულო ხდება. ამ შინაარსის მუხლი, უახლოეს მომავალში კანონში ჩაიწერება.
მიზეზი, ინფექციური დაავადებების რაოდენობის ზრდაა. ჯერ უცნობია, რა მექანიზმით მოხდება კანონის აღსრულება.
პირველ ეტაპზე ვაქცინაციის მონიტორინგი განხორციელდება, საჭიროების შემთხვევაში კი კანონში აცრების იძულებითი მექანიზმიც გაიწერება.
შეგახსენებთ, 2018 წლის პირველ 6 თვეში, ევროპაში მწვავე ინფექციური ვირუსული დაავადების, წითელას 41 ათასი შემთხვევა დაფიქსირდა.
დაავადებათა კონტროლის ეროვნული ცენტრის გადამდებ დაავადებათა დეპარტამენტის ცნობით, საქართველოში წითელას ინფექციის გავრცელებამ და შემთხვევების რაოდენობამ ივლისის მონაცემერბით 1000-ს გადააჭარბა.