სოხუმში  24 აგვისტოდან გაუჩინარებულ ბიზნესმენს  გენადი სანაიას ეძებენ. ხელისუფლება კარგა ხანს ცდილობდა არ გაეხმაურებინა ეს საქმე, მაგრამ ბიზნესმენის სავარაუდო გატაცების ფაქტთან დაკავშირებულმა ინფორმაციამ მაინც გაჟონა  სოციალურ ქსელში. როგორც ანონიმი ავტორი იტყობინებოდა, დაზარალებულის კუთვნილი ავტომობილი სამართალდამცველებმა სოხუმის რაიონის სოფელ ქვემო ეშერაში იპოვეს.

 

 სოხუმში ატეხილი აჟიოტაჟის შემდეგ ამ ფაქტს გამოეხმაურა დე- ფაქტო პრეზიდენტი რაულ ხაჯიმბა , რომელმაც დაავალა სამართალდამცავებს უმოკლეს ხანში გამოიძიონ საქმე და დააკავონ გამტაცებლები. ,, დარწმუნებული ვარ, ყველაფერი კარგად იქნება '' –  განაცხადა მან. 

 

 

საქმე დე ფაქტო რასპუბლიკის გენერალური პროკურორის პირად კონტროლზეა აყვანილი, როგორც სამართალდამცავები აცხადებენ, აღძრულია  სისხლის სამართლის საქმე  და მიმდინარეობს სამძებრო სამუშაოები, თუმცა გამოძიების ინტერესებიდან გამომდინარე, უწყება დატელებს ჯერჯერობით არ ახმაურებს.

 

გატაცებული სოხუმის #6  ტაქსოპარკის დირექტორთა საბჭოს თავმჯდომარეა,  ცნობილი ფეხბურთელის ვალტერ სანაიას ვაჟი, დაბადებულია 1944 წელს და ცხოვრობს სოხუმსა და მოსკოვში. 

 

 ცნობისათვის, ოჩამჩირელი  ვალტერ სანაია 40-50 – იან წლებში  თამაშობდა სოხუმის, თბილისისა და მოსკოვის საფეხბურთო გუნდებში,  ფლობდა 1949 წლის საფეხბურთო ჩემპიონატში გამარჯვებულის ტიტულს და ითვლებოდა ლევ იაშინის მასწავლელად და გზის გამკვლევად დიდ ფეხბურთში.  გარდაიცვალა 1999 წელს, მოსკოვში.