მთავარისიახლეებიკონფლიქტებიდეკანოზი ილია ჭიღლაძე: კონსტანტინოპოლს არაფერში სჭირდება საქართველოს საპატრიარქოს და ქართველი ერის განაწყენება....

დეკანოზი ილია ჭიღლაძე: კონსტანტინოპოლს არაფერში სჭირდება საქართველოს საპატრიარქოს და ქართველი ერის განაწყენება. ეს თუ ვინმეს აწყობს და უნდა, ისევ იმპერიალისტური რუსეთია!

Published on

 
დეკანოზი ილია სწიღლაზე ეხმაურებაა ინფორმაციას კონსტანტინეპოლის პატრიარქის ბართოლომეოსის  განცხადების შესახებ, რომ უკრაინის ეკლესიის ავტოკეფალიის აღიარება გადაწყვეტილია. 
 
 
 „დღეს ზოგიერთებისგან ვრცელდება მცდარი აზრი და ცრუ შიში ქართულ საზოგადოებაში, რომ კონსტანტინოპოლის მსოფლიო საპატრიარქოსგან უკრაინის ეკლესიის ავტოკეფალურად გამოცხადება იმოქმედებს აფხაზეთის ეპარქიის საკითხზე და აფხაზეთიც მიიღებს ავტოკეფალიას. რატომაა ეს აზრი სრული სიცრუე და სისულელე?!
 
1. აფხაზეთი არ წარმოადგენს საერთაშორისო ნორმებით აღიარებულ სახელმწიფოს, მაშინ როდესაც ძლიერი სახელმწიფოებრიობაა ავტოკეფალური ადგილობრივი ეკლესიის ჩამოყალიბების ერთ-ერთი უმთავრესი საფუძველი და მიზეზი;
 
2. სეპარატისტული აფხაზეთის მარიონეტული ხელისუფლება ცალსახად რუსული რეჟიმია და ის არ დაუშვებს აფხაზეთის მართლმადიდებლობაში კონსტანტინოპოლის გაძლიერებას და მოსკოვის საპატრიარქოს გავლენების შემცირებას;
 
3. მსოფლიო პატრიარქმა ბართლომეოსმა წინა წლის დეკემბერში ტელეკომპანია „იმედისათვის“ მიცემულ ინტერვიუში მკაფიოდ და ცალსახად განაცხადა, რომ აფხაზეთის ეპარქია საქართველოს საპატრიარქოს კანონიკური ტერიტორიაა და არანაირად არ განიხილება ავტოკეფალიის მინიჭება, ასევე კონსტანტინოპოლისათვის (გინდ სხვა საპატრიარქოსადმი) მისი მიერთების სურვილი გამორიცხულია. ყოვლადუწმინდესი ბართლომეოსი სიტყვის კაცია, განსხვავებით რუსეთის პატრიარქ კირილესაგან. ბართლომეოსის ყოველი სიტყვა არის "ასჯერ აწონილი და ათასჯერ გაზომილი" და ის არ იცვლება (კირილე რომ სიტყვის კაცი არაა, კრეტის კრებაზეც გამოჩნდა: კრების წინა თვეებში ამბობდა, კრებაზე მივდივარო, მართლმადიდებელთა ერთობას მთელს მსოფლიოს ვაჩვენებთო და ბოლოს, გამგზავრების წინა დღეებში გადათქვა და ობსტრუქცია მოაწყო, რითაც მთელს მსოფლიოს აჩვენა მართლმადიდებელთა არაერთსულოვნება, დააკნინა მართლმადიდებლობა და ნახევარი საუკუნის მანძილზე ნამზადები დიდი კრება).
 
4. როგორ შეიძლება 40 მილიონიან უკრაინის სახელმწიფოს შევადაროთ ჯუჯა აფხაზეთი და მისი პატარა ეპარქია, სადაც მართლმადიდებლობა არცაა აბსოლუტურ უმრავლესობაში და ისლამი, აფხაზური წარმართობა და სომხური სარწმუნოება მას არ ჩამორჩება რაოდენობით?!
 
5. კონსტანტინოპოლს არაფერში სჭირდება საქართველოს საპატრიარქოს და ქართველი ერის მომდურება და სამტროდ განაწყენება. ეს თუ ვინმეს აწყობს და უნდა ისევ იმპერიალისტური რუსეთია!
 
6. ოპონენტებს არგუმენტად მოაქვთ პროკონსტანტინეპოლურად განწყობილი, რუსებისგან ნაკურთხი და მერე მათგან გამდგარი (იქნებ რუსული ფსბ-ს კარნახითაც) აფხაზი სასულიერო პირის, დოროთე დბარის ვიზიტი მსოფლიო პატრიარქთან და ერთობლივად გადაღებული ფოტოები. მაგრამ ოპონენტებს ავიწყდებათ, რომ მსოფლიო პატრიარქთან აუდიენცია ყველა ქრისტიანს მარტივად შეუძლია და არც ფოტოების მასთან გადაღებაა "რჩეულთა" პატივი და ფუფუნება.
 
7. თუ საიდანმე მოდის საფრთხე, ესაა მოსკოვის საპატრიარქო, რომელც დე ფაქტოდ აკონტროლებს აფხაზეთის ეპარქიას, დაპყრობილი აქვს ყველა ეკლესია-მონასტერი (გარდა ახალი ათონის მონასტრისა) და 15-მდე მღვდელი ჰყავს აფხაზეთში. მაგრამ მოსკოვის საპატრიარქოს ქმედებებს აფხაზეთის ეპარქიის მისატაცებლად კანონიკური კუთხით იგივე ფასი აქვს, რაც პუტინის რუსეთის მიერ აფხაზეთის და ცხინვალის სეპარატისტების აღიარებას საერთაშორისო სამართლებრივ სივრცეში!“ – წერს დეკანოზი ილია ჭიღლაძე. 
 
 
კონსტანტინოპოლს არაფერში სჭირდება საქართველოს საპატრიარქოს და ქართველი ერის მომდურება და სამტროდ განაწყენება. ეს თუ ვინმეს აწყობს და უნდა ისევ იმპერიალისტური რუსეთია! – აცხადებს დეკანოზი

სიახლეები

პრეზიდენტი ზურაბიშვილი, მედიის წარმომადგენლებს ხვდება

საქართველოს მეხუთე პრეზიდენტი კრიტიკული მედიის წარმომადგენლებს ხვდება და მიუნხენში გამგზავრებამდე მედიამენეჯერებისგან ისმენს მედიაში არსებული...

“თემურ ქათამაძის ჯანმრთელობის მდგომარეობის შესახებ ინფორმაცია არაერთხელ მოვითხოვეთ, თუმცა, შესაბამისი უწყებები ამ ცნობებს არ გვაწვდიან” -საია

"ახალგაზრდა იურისტთა ასოციაციის" ცნობით, ორგანიზაციამ აქციების დროს დაკავებული და 26 დღის განმავლობაში მოშიმშილე თემურ...

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა აქვს

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა...

EPP “ოცნების” ლიდერების დანსაქცირებას ითხოვს

მასობრივი რეპრესიების ფონზე მოქმედებაზე გადადის დასავლეთიც. ბრიუსელი ოლიგარქის და მისი მსახურების მიმართ ახალ მიზნობრივ...