სოჭში ავიაკომპანია Utair-ის თვითმფრინავი, რომელიც მოსკოვი-სოჭის რეისს ასრულებდა, აეროპორტის დასაფრენ ზოლს გასცდა და მდინარეში გადავარდა, სადაც მას ცეცხლი გაუჩნდა. შემთხვევის შედეგად 18 ადამიანია დაშავებული, მათ შორის 3 ბავშვია
ამის შესახებ რუსეთის ჯანდაცვის სამინისტრო იუწყება.
კრასნოდარის ოლქის გუბერნატორის ვენიამინ კონდრატიევის ინფორმაციით, ბორტზე 164 მგზავრი და ეკიპაჟის 6 წევრი იმყოფებოდა.
კატასტროფა მეტეოროლოგიურ პირობებთან არის დაკავშირებული – წუხელ სოჭში თავსხმა და ძლიერი ჭექა ქუხილი იყო, ქროდა ძლიერი ქარი, გამოცხადებული იყო საშტორმო მდგომარეობა. ძლიერი ქარის გამო პილოტებმა პირველ ცდაზე ვერ დასვეს თვითმფრინავი და მეორე წრეზე წავიდნენ, თვითმფრინავი ერთხანს აეროპორტის თავზე მანევრირებდა და როგორც იქნა მიღებულ იქნა ასაფრენ ზოლზხე დაფრენის გადაწყვეტილება, პილოტებმა თვითმფრინავი დასვეს კიდეც, მაგრამ იგი ასაფერენი ზოლიდან მოცურდა და ფრთით გამოედო აეროპორტის ზღუდეს, რამაც მისი აალება გამოიწვია – ალმოდებულმა თვითმფრინავმა ზღუდე აანგრია დამდინარე მზიმთას კალაპოტში ჩაგორდა . – აცხადებს იგი.
მისივე ინფორმაციით, თვითმფრინავიდან მგზავრების ევაკუაციის პროცესში დაიღუპა აეროპორტის თანამშრომელი , რომელსაც გულმა უმტყუნა
.