სენატორ მაკკეინს უკანასკნელ გზაზე საქართველოს ორკაციანი დელეგაცია გააცილებს. გამართული კონსულტაციების შედეგად კი გადაწყდა, რომ ცერემონიას ვაშინგტონში პარლამენტის ვიცე-სპიკერი თამარ ჩუგოშვილი და საპარლამენტო უმცირესობის ლიდერი დავით ბაქრაძე დაესწრებიან. დელეგაციის შემადგენლობაში ნაციონალური მოძრაობის წევრები არ შეიყვანეს.
თამარ ჩუგოშვილის თქმით, ყველა სხვა ქვეყნიდან როგორც საქართველოდან მიწვეულიას ორი წარმომადგენელი, თუმცა რატომ ვერ წავიდნენ დაკრძალვის ცერემონიაზე ქვეყნის პრემიერ-მინისტრი და პრეზიდენტი, მისთვის უცნობია. დელეგაციის წევრების განცხადებით ჯონ მაკკეინი საქართველოს ძალიან დიდი მხარდამჭერი და მნიშვნელოვანი ფიგურა იყო
მარტო, საკუთარი ინიციატივით ჩავა სენატორის დაკრძალვაზე ლეიბორისტული პარტიის ლიდერი შალვა ნათელაშვილი .
შეერთებულ შტატებში გაფრენის წინ მან კიდევ ერთხელ გააკრიტიკა საქართველოს ხელისუფლება იმისი გამო, რომ მაკკეინის დაკრძალვაზე საქართველოდან უმაღლესი რანგის დელეგაცია არ მიდის.
„რეჟიმმა, როგორც სხვა ყველაფერში, აქაც თავი მოიჭრა და ამ დიდი მეგობრის დაკრძალვაზე გაემგზავრა არა სახელმწიფოს უმაღლესი ხელმძღვანელობა, არამედ მესამე-მეოთხე კლასის წარმომადგენლები.
"მე ჩემი ჩასვლით და სამძიმრის გამოხატვით მინდა, გამოვასწორო ის სამარცხვინო ვითარება, რაც შექმნა ივანიშვილის რეჟიმმა,“ – ამბობს შალვა ნათელაშვილი.
ჯინ მაკკეინს ხვალ დაკრძალავენ. საქართველოს ეროვნული გმირის დაკრძალვაზე ჩასასვლელად ვერ მოიცალეს პრეზიდენტმა, პრემიერმა და პარლამენტის თავმჯდომარემ.