მწყობრიდან გამოსული საგზაო ინფრასტრუქტურა, ორმული თხრილები, დაზიანებული ტროტუარები, თავსახურის გარეშე დარჩენილი საკანალიზაციო ჭები- ეს ზუგდიდის ქუჩებია. ადგილობრივები ჩივიან, რომ გზები სავალალო მდგომარეობაშია, სარეაბილიტაციო სამუშაოები დროულად არ კეთდება, მათი თქმით, ხელისუფლება უყურადღებოდ იქცევა და წლების განმავლობაში პრობლემას ვერ აგვარებს. გზა იმდენად არის გაფუჭებული, რომ გადაადგილება არა მხოლოდ მოსახლეობას, არამედ სატრანსპორტო საშუალებებსაც კი უჭირთ. მათი თქმით, გზაზე მოძრაობა განსაკუთრებით ძნელია ნალექიან ამინდში.მოსახლეობის პრეტენზიებს არ იზიარებს ზუგდიდის მერია, უწყებაში აცხადებენ, რომ საკანალიზაციო ჭები გაერთიანებული წყალმომარაგების კომპანიის პრეროგატივაა. რაც შეეხება ამ უკანასკნელს, კომპანიის წარმომადგენელი დათო ფოცხვერია ამბობს, რომ ეს პრობლემა მათთვის ცნობილია, მოთხოვნა გაგაზავნიალია და სამშაბათს უკვე ჭების თავსახურები ადგილზე იქნება. ფოცხვერიას თქმით, ხშირად ტყდება თავსახურავები და ამის მიზეზია დიდი სატვირთო მანქანების მოძრაობა.
ორმული თხრილები, დაზიანებული ტროტუარები, თავსახურის გარეშე დარჩენილი საკანალიზაციო ჭები- ეს ზუგდიდის ქუჩებია [Video]
Published on