ზუგდიდის ბაზართან დღეს გარემოვაჭრე მარინა ფარულავა დააკავეს. ის პოლიციის სამმართველოში უკვე რამდენიმე საათი იმყოფებოდა დაკითხვაზემისი შვილის  ლექსო ნოდიას ინფორმაციით, მარინა ფარულავას დაკითხვის ოთახში სუიციდის მცდელობა ჰქონდა  მარინა ფარულავამ სამართებლით, რომელიც ჩანთაში ჰქონდა ვენების გადაჭრა სცადა. ადგილზე  გამოძახებული იყო სასწრაფო დახმარების ბრიგადა, რომელმაც შესაბამისი სამედიცინო დახმარება აღმოუჩინა. ლექსო ნოდიას დედის  ნახვის უფლება მისცეს.  მან  აღნიშნა, რომ მის ჯანმრთელობას საფრთხე არ ემუქრება.  შსს ზუგდიდის პოლიციის სამმართველოში კრიმინალური ექსპერტი ამ დრომდე იმყოფება.

გარემოვაჭრე დღეს დაახლოებით 16 : 00 საათისთვის დააკავეს. თვითმხილველი ნესტან ღულათავას განცხადებით, პოლიციამ მარინა ფარულავას გარევაჭრობის შეწყვეტისჯენ მოუწოდეს რასაც არ დაემორჩილა. მათ შორის იყო სიტყვიერი დაპირისპირებაც რის შემდეგაც ის პოლიციის მანქანაში ჩაავეს და სამმართველოში გადაიყვანეს. მარინა ფარულავამ რამდენიმე წუთის უკან დატოვა პოლიციის სამმართველო. მან ჟურნალისტებს განუცხადა , რომ ხვალ გაიმართება მისი სასამართლო პროცესი. ის ზუგდიდის მერიის წინააღმდეგ საპროტესტო აქციებს აანონსებს. მარინა ფარულავა არ უარყოფს სუიციდის მცდელობის ფაქტს და აცხადებს რომ ეს მისი ემოციებიდან გამომდინარე მოხდა. 

შსს ცნობით, მარინა ფარულავა დაკავებულია ადმინისტრავიული სამართალდარღვებათა კოდექსის 153 -ეს მესამე პრიმა მუხლის მეორე ნაწილი, გარევაჭრობა შესაბამისი ნებართვის გარეშე.