ცესკო-ს მისამართით 10 ოპოზიციური პარტიის მიმართვას არასამთავრობო ორგანიზაციები იზიარებენ.სამოქალაქო სექტორის თქმით, იმისთვის, რომ არჩევნების ლეგიტიმურობა ეჭვქვეშ არ დადგეს, საარჩევნო ადმინისტრაციამ ოპოზიციის რეკომენდაციები უნდა გაითვალისწინოს.ოპოზიციურმა პარტიებმა ცენტრალურ საარჩევნო კომისიას უკვე მიმართეს და მოუწოდეს, იხელმძღვანელოს მიუკერძოებლობის უმაღლესი სტანდარტით, მათ შორის პროფესიული ნიშნით შეირჩეს კადრები საარჩევნო ადმინისტრაციის ყველა დონეზე.
„სრულიად მისაღებია ოპოზიციური პარტიების მიმართვა იმასთან დაკავშირებით, რომ ეს პროცესი მაქსიმალურად ღიად და გამჭვირვალედ წარიმართოს. უზრუნველყოს საუბნო საარჩევნო კომისიის პროფესიული ნიშნით დაკომპლექტებული წევრების მაქსიმალური ღიაობა და გამჭვირვალობა,“ – განაცხადა სამართლიანი არჩევნებისა და დემოკრატიის საერთაშორისო საზოგადოების იურისტმა, ნინო რიჟამაძემ.