სოხუმში სახელმწიფოებრიობის გადარჩენის შტაბი შექმნეს ეს ინიციატივა ეკუთვნის პოლიტიკურ პარტია ,,ამცახარას'' , რომელმაც ამის შესახებ განაცხადა 27 აგვისტოს პარტიის პოლიტსაბჭოს სხდომაზე. ამ იდეასშეუერტდაოპოზიციურიპარტიების ბლოკი, რიგი საზოგადოებრივი მოძრაობა და დეპუტატთა კორპუსის ნაწილი.
ერთობლივ სხდომაზე საუბარი შეეხო აფხაზეთში არსებულ სიტუაციას და საფრთხეებს, რომელიც ,,ქვეყნის დამოუკიდებლობას'' შეექმნა ხაჯომბას არაკომპეტენტური მმართველობის გამო. იმავე დღეს შეიქმნა შტაბი, რომელსაც სათავეში ჩაუდგა აფხაზეთის ყოფილი ვიცე-პრეზიდენტი მიხეილ ლოგუა.
,,ქვეყანაში სიტუაცია კრიტიკულ ზღვარს მიუახლოვდა. – ნათქვამია რეზოლუციაში – საზოგადოება გახლეჩილია, რამაც განასაკუთრებით ხაჯიმბას პრეზიდენტობის წლებში იჩინა თავი. მტელი ჩვენი ისტორია ადასტურებს რა სავალალაო სედეგებამდე მივყავართ საზოგადოების ჯგუფების ურთიერთგაუცხოებას და დაპირისპირებას, მაგრამ ამ პროცესს აქამდე არ მიუღწევია ესოდენ დიდი მასშტაბებისთვის და ეს ძვირად დაუჯდება ქვეყანას. -ა ფხაზეთი სახელმწიფოებრიობის დაკარგვის ზღვარზეა და ამ მდგომარეობიდან ერთადერთი გამოსავალი ხაჯიმბას გადადგომაა. ხაჯიმბამ უნდა დათმოს "პრეზიდენტის" პოსტი, რათა "ქვეყანამ" წინსვლა შეძლოს".
ექსპერტების აზრით, ამ ნაბიჯით ოპოზიცია ახდენს ძალების მობილიზაციას მომავალი საპრეზიდენტო არჩევნებისთვის, არსებობს ყველა ნიშანი იმისა, რომ ხაჯიმბა ვეღარ დარჩება ხელისუფლებაში, მაგრამ ცხადია ისიც, რომ ოპოზიცია თვალს ხუჭავს საზოგადოების უკმაყოფილებაზე რუსეთის პოლიტიკით, რომელიც ხელს უკრავს ნებისმიერ პოლიტიკურ ძალას, რომელიც არ ჯდება მისთვის სასურველი ხელისუფლის შერჩევის კრიტერიუმებში – მთავარი მოთამაშე, სუფრის თამადა აფხაზეთში მოსკოვია და არა არჩევნების ფარსით მოსული ხელისუფლების იმიტაცია.