მაკკეინი მრავალი წლის განმავლობაში, საქართველოს დამოუკიდებლობის მომენტიდან, სულ უჭერდა მხარს საქართველოს… ასეთი ქომაგი საქართველოს მრავალი საუკუნე არ ჰყოლია,“ – განაცხადა საქართველოს მესამე პრეზიდენტმა მიხეილ სააკაშვილმა ინტერვიუში, რომელიც წუხე გავიდა რუსთავი2 – ის ეთერში. ინტერვიუს მთავარი თემაა ჯონ მაკკეინი და საქართველო. ინტერვიუ თომა ჩაგელიშვილმა ჩაწერა
საქართველოს მესამე პრეზიდენტმა გაიხსენა, თუ როგორ გაიცნო მაკკეინი და ისაუბრა ამერიკელი სენატორის როლზე რუსული აგრესიის შეჩერებაში
„როდესაც რუსების შემოჭრა დაიწყო, მეორე დღის დილის ორ საათზე ზარი გაისმა და მაკკეინმა ასეთი რაღაც მითხრა, მიშა, მთავარი რაც არის – მოიქეცი, როგორც ჩერჩილი. მუდმივად საჯაროდ გაიმეორებ, რომ ჩვენ არასდროს დავნებდით, ჩვენ არასდროს ჩამოვუშვებთ ხელს. ჩვენ ყოველთვის ვიბრძოლებთ," – განაცხადა სააკაშვილმა.
