ნატო-ს შტაბ-ბინისთვის სენატორ ჯონ მაკკეინის სახელის მინიჭებასთან დაკავშირებით, ალიანსი ბრიტანეთის პარლამენტის საგარეო საქმეთა კომიტეტის თავმჯდომარის მიმართვას განიხილავს.
როგორც ამერიკულ ტელეარხ CNN-ს ნატო-ს ოფიციალურმა წარმომადგენელმა ოანა ლუნგესკუმ განუცხადა, ნატო-ს გენერალურმა მდივანმა აღნიშნული მიმართვა მიიღო და ეს საკითხი განხილული იქნება.
აღსანიშნავია, რომ სენატორი ჯონ მაკკეინის გარდაცვალების შემდეგ ნატო-ს გენერალურმა მდივანმა იენს სტოლტენბერგმა აღნიშნა, რომ „ჯონ მაკკეინი ყველას დაამახსოვრდება, როგორც ნატო-ს მტკიცე მხარდამჭერი“.